Азийн наадмын хөнгөн атлетикийн эрэгтэйчүүдийн 5,000 метрийн Монгол Улсын гавьяат тамирчин Бат-Очирын Сэр-Од, Гансүхийн Бат-Эрдэнэ нар өрсөлдлөө.

Нийт 19 гүйгч өрсөлдсөн уг төрөлд Бахрейны Бирхану Балев 13:30.79 минутаар алтан медаль хүртсэн бол Японы Томонори Ямагүчи мөнгө, Энэтхэгийн Гулвеер Синх хүрэл медаль хүртэв.

Манай тамирчдаас Г.Бат-Эрдэнэ 14:45.74 минутаар 13-т, Б.Сэр-Од 14:53.41 минутаар 15-д жагслаа.

Ирэх аравдугаар сард 45 нас хүрэх Б.Сэр-Од 2006 оны Дохагийн Азийн наадамд анх оролцож байлаа. Ингээд тэр марафоны төрөлд дөрвөн удаа эх орноо төлөөлсөн бол энэ удаад 5,000 метрийн зайд хурд сорилоо.
                                                                                                                                                                                                    Эх сурвалж: ikon.mn